Tuisdorp

Centurion

Skool

Midstream College

Wie het jou matriekafskeidrok ontwerp / waar het jy dit gekoop?

Ontwerper Vesselina Pentcheva

Wat was die inspirasie agter jou matriekafskeidrok?

Die inspirasie agter my rok was altyd daai klein graad 1-meisie wat glo sy’s ’n meermin — blink, vol kleur en nie bang om uit te staan nie. Ek wou hê dit moet voel soos ek… net met ’n bietjie see- en sterstof by. Ek wou iets hê wat lyk soos ’n sonsondergang wat in die see verdwyn — sag bo, diep blou onder, en vol glinster soos golwe in die lig. Dis vir my die perfekte simbol van groei: van kinderdrome na grootmensdrome. Meermin vibes, graad 1 nostalgia, en ’n bietjie sparkle-terapie. Dis basically my hele persoonlikheid in een rok.

Wat beteken jou matriekafskeidrok vir jou?

Hierdie rok laat my voel soos die meermin wat my graad 1-self altyd wou wees — blink, vry en vol drome. Dis asof sy nou trots kyk en sê: ‘Jy het dit rêrig gemaak.’ Elke glinster herinner my daaraan hoe ver ek gekom het, en dat ek steeds daai klein droommeisie in my dra. My matriekafskeidrok beteken vir my soveel meer as net ’n outfit — dis soos die hoofstuk wat alles saamvat. Elke blink stukkie voel soos ’n herinnering van hoe ver ek gekom het, en die blou laat my dink aan vryheid, ‘n nuwe begin en ’n bietjie van daai drome wat ek nou regtig gaan leef.

Hoogtepunt van die matriekafskeid

My hoogtepunt was daai oomblik toe ek in my rok afstap en vir ’n sekonde voel of ek in my eie sprokie leef — net ek, ligte en glitter op die dansvloer. Dit was eintlik nie net een oomblik nie — dis die gevoel van alles saam: vriende, lag, musiek, en die besef dat hierdie hoofstuk eindig met glimlagte en blink oë vol duisende herinneringe.

Planne vir na matriek

Ek gaan Internasionale Besigheid Studeer by die Universiteit van Stellenbosch.

Gunsteling woord in Afrikaans

Lente

Datum van matriekafskeid

2025-10-11