Kort verduideliking oor jou rok of ontwerpkeuse

Die elegante swart rok met sy oop rug, vere en bling pas perfek by 'n dramatiese tog deftige voorkoms. Die verwyderbare oorromp voeg veelsydigheid by die rok, sodat dit vir verskillende geleenthede gedra kan word. Die een kralemou en een afskouermou voeg 'n interessante kinkel aan die rok, wat dit laat uitstaan ​​bo ander konvensionele swart rokke. Die oop rug is 'n gewaagde kenmerk wat 'n sweempie “sexiness” by die rok voeg sonder om té onthullend te wees. Die 21 knopies op die rug rond die rok perfek af en sorg vir ń elegante voorkoms. Die sleep met vere agter aan die rok voeg 'n tikkie drama en elegansie by. Die rok kombineer moderne en klassieke elemente, wat dit 'n elegante en tydlose rok maak - perfek vir iemand wat ń stelling wil maak.

Skool se matriekafskeid bygewoon?

Hoërskool Ben Viljoen

Wat was jou inspirasie vir jou matriekafskeidrok?

Ek het in Augustus 2023 Suid-Afrika verteenwoordig by die Taekwon-Do Wêreldkampioenskappe in Kazakhstan. Ek het te staan gekom teen verskeie lande, maar het aangehou veg en nooit opgegee nie. Na hierdie kompetisie het ek geweet dat hierdie rok perfek by my sal pas omdat dit simbolies is aan iemand met onsterflike skoonheid, dapperheid, die wil om te veg en ewige lewe. My ontwerper het presies geweet hoe om my visie en ervaring te omskep in ń pragtige rok.

Wat was jou gunsteling deel van jou matriekafskeidrok?

My gunsteling deel van my rok was beslis die dramatiese oorromp en die feit dat ek dit deur die loop van die aand kon afhaal om die dansvloer behoorlik baas te raak. Ek was verlief op die dramatiese aspek van die rok en dat dit perfek by my gepas het om my persoonlikheid uit te beeld.

Datum van matriekafskeid?

2023-09-28