Kort verduideliking oor jou rok of ontwerpkeuse

My rok se kleur was neutraal met meer as 20 000 rhinestones en 'n 1000 pêrels, almal individueel met die hand vasgeplak. My besluitnemingsproses vir die ontwerp was nogal uitgebreid, maar die belangrikste ding op die lys was dat niemand soos ek kon lyk nie. Ek het besluit op 'n neutrale kleur, of soos ek en my ma dit beskryf het, 'n "nothing color" . My grootste vrees was dat ek moeg sou raak vir 'n spesifieke kleur of dat ek dieselfde kleurrok as al ander 150 meisies sou hê. Ek streef altyd daarna om gemaklik te wees maar stylvol te lyk, aangesien my ouers my grootgemaak het met die oortuiging dat selfs al drink jy Oros, moet jy dit uit 'n ordentlike glas drink. Dus, wanneer ander sê ek is "overdressed"  ,is dit werklik net wie ek is. My ma sê altyd ek is nie 'n maklike klient nie, maar dit is nie my skuld, sy het my al vir meer as agt jaar daaraan gewoond gemaak nie. Die waarskuwing wat hulle gee oor dat jy moet oppas vir wat jy vir 'n klein kindjie sê, is waar, want my ma het altyd vir my gesê dat my klere sag, gemaklik, en perfek moet wees. Daarom is ek net die resultaat van haar eie woorde.

Skool se matriekafskeid bygewoon?

Hoërskool DR. Malan

Wat was jou inspirasie vir jou matriekafskeidrok?

My inspirasie vir my rok het gekom toe 'n spesifieke ontwerp 'n paar jaar gelede my hart gesteel het. Selfs nadat ek meer as vier keer ander rokke oorweeg het, het iets my na die rokontwerp toe getrek. Dit is toe ek besef het dis my rok, al het ons geen idee gehad hoe die spesifieke rok se ontwerp agter lyk nie. Met elke pêrel en rhinestone wat geplak is, kon mens reeds die volgende deel vooruitsien, en dit het stuk vir stuk met die inspirasie gedurende die maak van die rok soos 'n legkaart bymekaar laat kom. En uiteindelik lyk dit niks soos die prentjie nie, maar net 10 000 keer meer perfek.

Wat was jou gunsteling deel van jou matriekafskeidrok?

My gunsteling deel van my rok was die feit dat my ma my rok met haar eie hande gemaak het. Die feit dat sy dit reg kon kry dat ek soos 'n feëtjie kon voel, alles net in twee weke nadat my oorspronklike ontwerper my op nommer 99 in die steek gelaat het. Die spesiale herinneringe van saamsit, die rok teken, uitpak, en aanmekaar sit sal altyd by my bly. Die liefde wat mens in die eindresultaat kon sien met elke rhinestone en pêrel wat een vir een met die hand vasgeplak was, was die kersie op die koek. My gunsteling deel is dat niemand ooit weer so 'n rok sal kan hê nie, want dit is op gevoel en liefde gemaak.

Datum van matriekafskeid?

2023-10-13