Kort verduideliking oor jou rok of ontwerpkeuse

Skool se matriekafskeid bygewoon?

fantasmagories

Wat was jou inspirasie vir jou matriekafskeidrok?

Toe ek klein was, het my ma altyd gevra, “Wat is jou gunsteling kleur?” en sonder twyfel het ek altyd geantwoord, “Reënboog!” want hoe kies ’n mens net een kleur as elkeen op sy eie manier mooi is? Daardie kinderdroom het my nog altyd gevolg, om in elke deel van die lewe die mooi raak te sien. My rok, met sy diep vlootblou basis, kleurvolle blomme, goue steentjies en pêrels wat in die lig glinster, is ’n weerspieëling van daardie idee... skoonheid lê in verskeidenheid en dat elke kleur, nes seisoene in die lewe, sy plek het. Die blomme op my rok herhinner my ook dat ek met hulp van bo, in enige plek kan blom waar ek geplant word. Die Here weef 'n mooi storie saam, blommetjie vir blommetjie. Hy gee ook om oor die detail van ons lewens, nes die steentjies en pêrels op my rok.

Wat was jou gunsteling deel van jou matriekafskeidrok?

My matriekafskeidrok is vir my meer as net materiaal en mooi lyk: dis ’n simboliese afsluiting van ’n hoofstuk en ’n viering van wie ek geword het. Elke blom en steentjie vertel ’n storie van groei, vreugde en om jouself in volkleur te wees. Dit herinner my daaraan dat ek, nes die reënboog waarvan ek as kind gedroom het, uit baie kleure bestaan, elkeen gevorm deur mense oor my skoolloopbaan, geloof en dankbaarheid. Vir my is hierdie rok dus nie net vir een aand gemaak nie, maar vir ’n herinnering wat ek vir altyd dra: om altyd met kleur, lig en oortuiging deur die lewe te beweeg

Datum van matriekafskeid?

2025-10-04