Kort verduideliking oor jou rok of ontwerpkeuse

ń Perfekte kombinasie van styl, elegansie en natuurlik die ‘pazazz’ wat ek gesoek het. My rok het presies my persoonlikheid weerspieël — uniek, selfversekerd, en vol lewenslus. Die sagte goue kleur is vroulik, opreg en sterk. Die eenvoudige, minimalistiese korset beskryf my nederige, sagte, luisteraar self wat deur ń goue lyntjie geskei word van my lief vir die lewe, lawwe, kreatiewe self. Die franjewerk!!! Dit het my hart DADELIK gesteel. Ek het in ñ video gesien daarvan êrens op sosiale media en wat daai franje gedoen het as dit beweeg was magies. Die uitdaging om die rok ‘in my kop’ te maak was groot, maar tannie Loryn het my prentjie ñ werklikheid gemaak. Dit was meer as net 'n rok; dit was 'n droom en ñ simbool van my oorgang na 'n nuwe hoofstuk, en dit het elke oomblik van die aand spesiaal en onvergeetlik gemaak.

Skool se matriekafskeid bygewoon?

Hoërskool Rustenburg

Wat was jou inspirasie vir jou matriekafskeidrok?

UNIEKHEID!! Ek wou iets ANDERS doen. Ek wou iets dra wat weerspieël dat ek selfversekerd, avontuurlustig en vol energie is. Iets wat die koppe laat draai. En dit HET!! Wanneer ek geloop of gedans het, het die franje parmantig rondgewip. Die speelsheid daarvan het die kind in my opgewonde gemaak. My rok het my 'n gevoel van vryheid gegee, asof ek reg was om elke oomblik van die aand aan te pak met een groot glimlag. My rok wys dat ek trots is op wie EK is en nie bang is om my unieke persoonlikheid te wys nie. Die kombinasie van speelsheid en elegansie sê dat ek gemaklik is om my eie pad te loop.

Wat was jou gunsteling deel van jou matriekafskeidrok?

Natuurlik die franje wat deelvorm van die rok se onderkant. Maar in kombinasie met die eenvoud van my korset. Sjiek!!! Speels!!! Stylvol!!! Dit gee my rok ń element van lewe en het presies geswaai en gesprankel soos wat ek gedroom het dit sal tydens die lang ure op die dansvloer. Boonop dit het die glas kraletjies van die franje lig weerkaats waarookal ek beweeg het wat vir my ń spesiale herinnering is aan my wat so ook God se lig moet weerkaats.

Datum van matriekafskeid?

2024-09-19