Tuisdorp

Pongola

Skool

Ermelo Hoërskool

Wie het jou matriekafskeidrok ontwerp / waar het jy dit gekoop?

‘n Baie oulike dame van Richardsbaai het my rok ontwerp en gemaak. Haar naam is Bonnie Blom.

Wat was die inspirasie agter jou matriekafskeidrok?

My inspirasie vir my matriekafskeid rok was om elegant en stylvol te lyk. Ek is gemaklik met my liggaam en weet watter kleur en styl by my pas. Die rok weerspieël my persoonlikheid, styl en identiteit. My matriekafskeidrok is tydloos en iets wat ek na ‘n paar jaar weer sal dra.

Wat beteken jou matriekafskeidrok vir jou?

My matriekafskeid is ’n mylpaal vir my - dit simboliseer die einde van my skoolloopbaan en die begin van volwassenheid. My matriekafskeidrok help om daardie oomblik spesiaal te maak, ‘n rok waarin ek gemaklik voel, en my selfversekerd en mooi laat voel op die aand.

Hoogtepunt van die matriekafskeid

Ek was reeds opgewonde oor my rok en die hele geleentheid, maar toe my sussie my kom verras sonder dat ek iets geweet het — iemand wat ek so min sien — het my hart onmiddellik warm geword. Haar teenwoordigheid het vir my meer beteken as enigiets anders daardie aand. Dit was die hoogtepunt van my matriekafskeid — om te weet dat sy daar was om saam met my hierdie belangrike mylpaal te deel.

Planne vir na matriek

Ná skool sien ek uit daarna om my vlerke te sprei en nuwe avonture aan te pak. Ek beplan om in die gasvryheidsindustrie te werk, spesifiek in Dubai. Ek was nog altyd lief daarvoor om met mense te werk en ander gemaklik en welkom te laat voel, en ek glo die gasvryheidsbedryf is die perfekte plek om daardie passie uit te leef. Dubai is ’n dinamiese stad vol kultuur, luuksheid en geleenthede, en ek sien daarna uit om daar waardevolle ervaring op te doen. Om in so ’n internasionale omgewing te werk, sal my nie net help om professionele vaardighede te ontwikkel nie, maar ook om mense van verskillende lande en agtergronde te leer ken. Ek wil die wêreld sien, nuwe plekke ontdek en myself blootstel aan verskillende kulture en leefwyses. Hierdie avontuur is vir my nie net ’n loopbaanstap nie, maar ook ’n kans om te groei, te leer en my drome te leef.

Gunsteling woord in Afrikaans

Vakansie

Datum van matriekafskeid

2025-10-02