Ek is iemand wat romanties en saggeaard is, maar terselfdertyd ook selfversekerd, stylvol en heeltemal myself.
Ek wou ’n rok hê wat dit weerspieël.
My inspirasie was die natuurlike skoonheid van ’n blom wat oopvou; lewendig, vloeiend, vol karakter en pragtig vol lewe.
Die interessantste aspek van my rok is dat dit nie op net een kenmerk staatmaak om ’n indruk te maak nie. Dit kombineer verskeie delikate elemente om iets dramaties, uniek en onvergeetlik te skep. Die rok bring eienskappe bymekaar wat aanvanklik dalk heeltemal verskillend mag lyk, maar wat pragtig saamwerk.
Die ontwerp is elegant maar nie konvensioneel nie. Elke laag bring beweging, elke detail voeg karakter by, en die silhouette vier vroulikheid en die bostuk voeg ‘n tikkie waaghalsigheid by. Die rok simboliseer vir my die moed om jou individualtieit te omhels en met selfvertroue in jou eie natuurlike skoonheid te blom, sonder om verskoning daarvoor te vra en eerder bloot konvensionele style te volg. Omdat my inpsirasie natuurlike skoonheid en uniekheid was, het ek my grimering en bykomstighede ook natuurlik gehou.