My inspirasie vir hierdie rok kom uit my liefde vir sprokies, elegansie en die gevoel om soos ’n prinses te voel op een van die belangrikste aande van my tienerjare. Ek wou ’n rok ontwerp wat sag, romanties en vroulik is, maar steeds ’n moderne en unieke voorkoms het. Die sagte saliegroen kleur laat my dink aan die natuur, vars blare en die rustigheid van ’n sprokieswêreld. Die silwer blom- en blaarversierings is geïnspireer deur die skoonheid van blomme en die glinster van dou op blare in die oggendson.

Die vloeiende materiaal en hoë spleet gee die rok ’n elegante, maar selfversekerde voorkoms, terwyl die fyn detail op die lyfie dit besonders en spesiaal maak. Ek wou hê die rok moes my persoonlikheid weerspieël: dromerig en romanties, maar ook sterk en uniek. Vir my gaan matriekafskeid nie net oor mooi aantrek nie, maar ook daaroor om myself uit te druk, selfvertroue te hê en herinneringe te skep wat ek vir altyd sal koester. Hierdie rok laat my voel asof ek vir een aand in my eie sprokie kan leef.