Tuisdorp

Middelburg Mpumalanga

Skool

HTS Middelburg

Wie het jou matriekafskeidrok ontwerp / waar het jy dit gekoop?

Ek het my droom rok by Tres Jolie Bridal and Evening wear in Pretoria gekoop. Dit is 'n Sherri Hill ontwerp. Dit was liefde met die eerste oogopslag.

Wat was die inspirasie agter jou matriekafskeidrok?

Ek het nie 'n spesifieke ontwerp of kleur in gedagte gehad nie. Wat ek wel van seker was, was dat ek soos 'n prinses wou lyk. Die rok weerspieël my persoonlikheid en dit voel of hy spesiaal net vir my gemaak is. Die rok se besonderse kleur is uniek en verander soos die lig van verskeie kante oor hom val.

Wat beteken jou matriekafskeidrok vir jou?

My rok bring die prinses-dogtertjie binne my uit. Ek het so spesiaal in die rok gevoel. Ek dink dis belangrik vir enige vrou, maak nie saak hoe jonk of oud, om altyd vas te hou aan die prinses binne jou.

Hoogtepunt van die matriekafskeid

Alles van die matriekafskeid was vir my 'n hoogtepunt, van die hare en grimmering (wat ook 'n eerste vir my was), tot die oomblik toe ek my rok aantrek. Die fotosessie was net so spesiaal en ek sal altyd met 'n dankbare hart kan terugkyk na een van die mees spesiale dae van my lewe. As jong meisie sien mens vir 12 jaar uit na die spesiale oomblik en myne was alles waaroor ek nog altyd gedroom het en nog meer.

Planne vir na matriek

Ek gaan volgende jaar deur Aros studeer vir BEd Intermediêre fase onderwys. Ek is vreeslik opgewonde oor die nuwe hoofstuk in my lewe.

Gunsteling woord in Afrikaans

Fantasmagories

Datum van matriekafskeid

2025-10-02