Tuisdorp

Durbanville

Skool

Hoërskool Durbanville

Wie het jou matriekafskeidrok ontwerp / waar het jy dit gekoop?

My matriekafskeidrok was ontwerp en gemaak deur Ilse Roux.

Wat was die inspirasie agter jou matriekafskeidrok?

My rok is geinspireer deur ‘n ligte pers ballgown wat Taylor Swift gedra het op haar Eras Tour en ‘n matriekafskeidrok wat ek laasjaar gesien het en my hart op verloor het. Ek het nog altyd geweet ek wil my gunsteling kleur (lilac) vir my matriekafskeid dra en met daardie twee rokke in gedagte het ek saam met Ilse Roux my droomrok ontwerp.

Wat beteken jou matriekafskeidrok vir jou?

My droom was om soos ‘n prinses te voel die aand wat ek daai rok aantrek en elke liewe verwagting wat ek gehad het, was oortref. My rok was perfek volgens die prentjie in my kop. As iemand vandag vir my vra om weer ‘n matriekafskeidrok te ontwerp, sal ek dit presies dieselfde laat doen. Die tendens hierdie jaar was baie kleurvol en noupassend en ek dink my rok was soveel meer spesiaal omdat dit so in kontras was met die meerderheid van die rokke by my matriekafskeid.

Hoogtepunt van die matriekafskeid

Ek dink een van die groot hoogtepunte van my aand was toe ek en my metgesel uit die kar geklim het en ek kon hoor hoe al die toeskouers my naam skree en al die opregte komplimente wat my vriende en graadmaats vir my gegee het oor my rok.

Planne vir na matriek

Ek gaan volgende jaar Spraak-, Taal- en Gehoorterapie studeer by die Universiteit van Stellenbosch.

Gunsteling woord in Afrikaans

Geleentheid

Datum van matriekafskeid

2025-10-02