Tuisdorp

Bloemfontein

Skool

Hoërskool Jim Fouché

Wie het jou matriekafskeidrok ontwerp / waar het jy dit gekoop?

Ann-Sofi Couture het my droomrok ontwerp en dit in 'n werklikheid omskep!

Wat was die inspirasie agter jou matriekafskeidrok?

My gunstellingkleur is donkergroen en ek dink dit komplementeer my rooierige hare en donkerbruin oë baie mooi. Ek is mal oor die natuur, blommetjies en blinkertjies en wou 'n rok hê wat my persoonlikheid weerspieël – iets elegant, uniek, en uit 'n sprokiesverhaal! Ek is n meisie wat vol optimisme is en soos my een vriendin sê: " 'n Bondeltjie energie!". Iemand wat glo jy kan enige iets bereik met God aan jou kant en wat altyd na die positiewe kyk. Groen laat my dink aan vreugde soos blommetjies wat pronk in groen velde, 'n waterval wat groen valleie versier en … aan my. Die smaraggroen blinkertjies op my rok verteenwoordig my leuse – wees die lig in die donker, skyn en wees eg.

Wat beteken jou matriekafskeidrok vir jou?

Ek sluit my skoolloopbaan af met 'n rok wat nie net my 12 jaar vasvang nie, maar ook my toekoms verteenwoordig. Smarag beteken vrede, hoop en voorspoed. My skoolloopbaan is verweef in blink oomblikke en glinsterende herinneringe. En my toekoms skitter voor my. My rok is nie net 'n herinnering aan skool nie, maar 'n gelukbringer vir wat voorlê!

Hoogtepunt van die matriekafskeid

Die hoogtepunt was beslis om die pragtige aand saam my vriendinne te geniet. Ek was mal daaroor om elkeen se unieke en stylvolle rokke te beleef en om nog onvergeelike herinneringe te maak!

Planne vir na matriek

My droom word waar deurdat ek Fisioterapie by Kovsies gaan studeer.

Gunsteling woord in Afrikaans

Tierlantyntjies

Datum van matriekafskeid

2025-10-10