Tuisdorp

Nigel

Skool

Hoërskool John Voster

Wie het jou matriekafskeidrok ontwerp / waar het jy dit gekoop?

My ontwerper was Unity Chakuvinga

Wat was die inspirasie agter jou matriekafskeidrok?

Skoenlappers het my geïnspireer.Ek onthou dit soos gister , my kêrel en my tweede stel ouers het my op ’n vakansie gevat na die Krugerwildtuin. Ons drie was in die swembad, en toe ek uitklim, was ek skielik omring deur skoenlappers. Hulle het sag om my gevladder, en in daardie oomblik het iets besonders in my hart gebeur. Dit was asof die wêreld vir ’n paar sekondes stilgestaan het. Ek het verlief geraak op die gevoel, daardie vrede, daardie ligtheid, daardie klein teken van iets mooi en rein. Ek sien oral skoenlappers — waar ek ook al gaan. Dis asof hulle my herinner aan daardie oomblik, aan liefde, en aan hoe mooi die lewe kan wees. En toe het ek geweet my rok moet skoenlappers op hê sodat ek daardie gevoel altyd saam met my kan dra.

Wat beteken jou matriekafskeidrok vir jou?

My matriekafskeidrok simboliseer die einde van my laaste skooljaar , die afsluiting van ’n hoofstuk. Terwyl ek afsluit, maak ek ook gereed om ’n nuwe bladsy in my lewe oop te slaan. Soos ’n vlinder wat vlerke sprei, is ek gereed om verder te beweeg om te groei, om meer te word, en om die mooi in elke nuwe begin raak te sien.My rok herinner my aan die trots in my ouma en oupa se oë toe hulle my sien, aan my kêrel se gelukkige geisha , en aan al die komplimente wat ek ontvang het, hoe almal gesê het hoe mooi ek gelyk het. Vir my is hierdie rok meer as net klere; dis ’n simbool van groei, vrou wees ,liefde en nuwe drome wat wag om gevlieg te word.

Hoogtepunt van die matriekafskeid

Die hoogtepunt van my matriekafskeid was om my vriendinne so gelukkig te sien. Al die drama, trane en lag van die jare het vir daardie een aand verdwyn, asof ons almal net vir ’n oomblik weer kinders kon wees. Terwyl ek hulle sien dans en glimlag, het my hart swaar en vol gevoel gelyktydig. Daar was hartseer, want ek het geweet dit is die einde van ’n tyd wat ons nooit weer sou terugkry nie. Maar tog was daar ook blydskap, want ons het gegroei, ons het mooier, sterker en wyser geword.Toe die onderwysers hulle toesprake lewer, het ek met trane in my oë en honger maag geluister. Hulle woorde het diep gesny maar ook warmte gebring dit het my herinner aan hoe ver ons gekom het, en hoe elke einde eintlik net ’n nuwe begin is.

Planne vir na matriek

Na skool beplan ek om by UNISA verder te studeer in Kriminologie, aangesien die veld my besonder interesseer. Ek het tydelike werk gekry danksy my tannie,ouma en oupa sowel as my eie harde werk en toewyding gedurende my skoolloopbaan.

Gunsteling woord in Afrikaans

vloermoer

Datum van matriekafskeid

2025-10-17