“Lig” Hierdie woord herinner my aan Matteus 5:16 – “Laat julle lig so voor die mense skyn, dat hulle julle goeie werke kan sien en julle Vader wat in die hemel is, verheerlik.” Dit beteken vir my om elke dag ’n draer van God se lig te wees – sag, warm en helder – en om Sy liefde en goedheid oral saam te neem.
Wat was jou inspirasie vir jou matriekafskeidrok?
Ek wou ’n rok hê wat vrolik én vroulik is – sag en sierlik, maar steeds vol lewe. Die sagte koraalroos kleur laat my dink aan somerlig, vars beginne en vreugde. Ek wou iets dra waarin ek myself kon wees – gemaklik, selfversekerd en glansend van binne af.
Wat was jou gunsteling deel van jou matriekafskeidrok?
My rok simboliseer ’n mylpaal – die einde van een kosbare hoofstuk en die begin van ’n nuwe reis. Omdat ek self die ontwerp geskep het, dra dit ’n stukkie van my hart. Dit herinner my daaraan dat skoonheid begin wanneer jy jouself met selfvertroue en vreugde uitleef.
AF 
EN