Tuisdorp

Pretoria

Skool

Duo Edu Onafhanklike Skool

Wie het jou matriekafskeidrok ontwerp / waar het jy dit gekoop?

My ma is 'n modeontwerper en haar besigheid is Liesel's Creations, sy het my gehelp met die ontwerp en maak van die rok. Die borduurwerk het ons laat doen deur Earth & Sugar Embroidery in KZN.

Wat was die inspirasie agter jou matriekafskeidrok?

Ek is 'n natuurkind en blomme liefhebber en dit was my grootste inspirasie vir die borduurwerk. Die strikkies op my skouers het dit mooi afgerond. Die opryg rug het 'n mooi passing gegee en ook 'n strik gemaak in my middel. Die rok het drie lae volsirkel, nette gehad met satyn onder en 'n korset lyfie. Ek het "wings" gehad toe ek by die venue ingeloop het wat ek later afgehaal het.

Wat beteken jou matriekafskeidrok vir jou?

Dis die verpersoonliking van myself- uniek en speels soos uit 'n sprokiesverhaal. Dit sal altyd vir my spesiaal wees en 'n plek hê in my klerekas. Ek het vroulik en elegant gevoel, vol selfvertroue. Ek wou 'n rok hê wat merkwaardig is en wou soos niemand anders lyk nie. As ek iemand moet vertel wie ek is , sou ek my matriekafskeidfoto's wys.

Hoogtepunt van die matriekafskeid

Die fotosessie was my gunsteling deel en my sussie wat ook 'n fotograaf is van Leabaum Photo & Films het my foto's geneem. Ons het hope pret gehad en lekker saam gelag. Die oomblik wat ek my hoëhakskoene kon verruil vir my All Stars was definitief ook 'n hoogtepunt asook ons "after party".

Planne vir na matriek

Ek wil graag op 'n boot werk vir 'n paar jaar. Daarna sal ek graag wil studeer.

Gunsteling woord in Afrikaans

Mengelmoes

Datum van matriekafskeid

2025-10-02