Die inspirasie agter my rok kom van ’n elegante trourok deur die Pollardi Fashion Group. Ek het die idee in my eie unieke ontwerp omskep om iets te skep wat my persoonlikheid weerspieël. Ek het nog altyd geweet ek wil rooi dra — dit laat my selfversekerd voel en simboliseer vir my elegansie, styl en vroulikheid. Die “shimmer” in die materiaal weerspieël ook my liefde om te “skyn” en op te val op ’n verfynde manier.
Wat was jou gunsteling deel van jou matriekafskeidrok?
My matriekafskeidrok simboliseer vir my veel meer as net mode — Dit weerspieël my selfvertroue, my liefde vir styl en die deel van my wat nie bang is om uit te staan nie. Hierdie rok beteken vir my die einde van een hoofstuk en die begin van ’n nuwe een.
In my rok het ek elegant en sterk gevoel, soos die vrou wat my graad 8-self eendag gehoop het om te wees. Die rooi kleur herinner my daaraan om altyd met passie te leef en met trots te skyn.
Elke detail vang vir my die herinneringe en emosie van my matriekjaar vas; die vreugde, spanning en trots om myself te wees.
AF 
EN