Ouderdom

18

Skool

Durbanville Hoerskool

Wie het jou matriekafskeidrok ontwerp / waar het jy dit gekoop?

My droom was nog altyd dat my ma my matriekafskeidsrok sou maak. Ek het so graag ’n rok wou hê wat by my pas en ’n diep, sentimentele betekenis dra. Ek het self ’n skets gemaak van hoe ek my rok voorgestel het, en van November 2024 af het my ma saans ná werk en soggens vóór werk daaraan gewerk — met soveel liefde en aandag aan elke detail. Toe ek uiteindelik my rok aantrek, het dit gevoel soos ’n droom wat waar geword het. Ek het letterlik soos ’n prinses gevoel. Om alles te kroon, kon my oupa en ouma ook deel wees van my matriekafskeid. My oupa was die afgelope ruk nie baie gesond nie, en dit was ’n ongelooflike voorreg om hulle daar te hê — deel van wat vir my die volmaakte aand was.

Wat was die inspirasie agter jou matriekafskeidrok?

My inspirasie was die Cinderella live-action prinsesrok — ek droom al my hele lewe lank van só ’n rok.

Wat beteken jou matriekafskeidrok vir jou?

My gunsteling deel van my matriekafskeidrok is die feit dat my ma met soveel liefde en sorg gewerk het daaraan om my droom te bewaarheid. Elke detail is perfek net soos ek dit wou he en ek is oneindig baie dankbaar daarvoor.

Datum van matriekafskeid

2025-10-02