Ouderdom

18

Tuisdorp

Kathu

Skool

Hoërskool Duineveld

Wie het jou matriekafskeidrok ontwerp / waar het jy dit gekoop?

My rok is spesiaal ontwerp om tydlose eenvoud en moderne elegansie te kombineer. Ek het gekies om ’n "Burned Orange" satynrok met ’n korset-styl bolyf, fyn bandjies en ’n hoë split aan die voorkant om my ’n selfversekerde, stylvolle flair te gee. Die rok het ’n vloeiende sleep wat dit ’n luukse en dramatiese afwerking gee, perfek vir ’n aand vol glans. Ek het my idees met Nicola Parkin, die ontwerpster gedeel wat my rok gemaak het net soos my voorstelle. Sy het ook my ma se trourok gemaak.

Wat was die inspirasie agter jou matriekafskeidrok?

Ek het nog altyd geweet ek wil ’n "Burned Orange" rok dra — die kleur is vir my baie spesiaal omdat my Tannie jare gelede vir my gesê het dat dit perfek by my sal pas. Toe ek uiteindelik die kleur sien, het ek dadelik verlief geraak daarop. My oorspronklike idee vir die rok het verander toe ek besef het ek wil iets hê wat my persoonlikheid weerspieël: iets uniek, elegant en stylvol, maar steeds eenvoudig. Die inspirasie was dus ’n kombinasie van familieherinneringe, my liefde vir klassieke styl en my eie visie van hoe ek daardie aand wou voel.

Wat beteken jou matriekafskeidrok vir jou?

My rok beteken vir my baie, omdat dit presies wys wie ek is. Dit weerspieël dat ek hou van eenvoud, maar tog op my eie unieke manier ook bietjie uitspattig kan wees. My gunsteling deel van die rok is die kombinasie van die korset-bolyf en die hoë split, dit laat my sterk, elegant en selfversekerd voel. Ek hou daarvan dat die ontwerp klassiek is, maar tog net genoeg drama het om uit te staan. Bo alles is dit vir my besonders omdat dit spesiaal vir my gemaak is. ’n Rok wat presies by my persoonlikheid en styl pas.

Hoogtepunt van die matriekafskeid

Die hoogtepunt van my dans was toe ek saam met my familie kon regmaak vir die groot aand, en later by die dans saam met al my vriende en vriendinne aan ’n tafel kon sit. Dit was lekker om saam met hulle te kuier en saam die aand te geniet.

Planne vir na matriek

Na matriek gaan ek sielkunde studeer in Potchefstroom. Ek wil graag mense help en leiding gee oor hoe hulle met hulle probleme kan werk.

Gunsteling woord in Afrikaans

Doelgerig

Datum van matriekafskeid

2025-04-25