Ouderdom

17

Skool

Dr EG Jansen

Wie het jou matriekafskeidrok ontwerp / waar het jy dit gekoop?

Ek en my ma het saam die rok ontwerp, wat dit ekstra spesiaal gemaak het. Ons wou iets hê wat stylvol, uniek en prakties is, daarom het ons ’n kort rompie onder die vloeiende materiaal ingewerk sodat ek dit weer kan dra. Die sagte kleure en blompatrone pas perfek by my persoonlikheid — vroulik, vrolik en natuurlik met ’n tikkie elegansie.

Wat was die inspirasie agter jou matriekafskeidrok?

My inspirasie het gekom uit die tyd wat ek en my ma saam spandeer het om die ontwerp te beplan. Ons wou hê dit moes my liefde vir die natuur en sagte kleure weerspieël, maar ook iets wees wat warm en lewendig voel. Elke keuse, van die materiaal tot die klein blomdetail, wys iets van wie ek is.

Wat beteken jou matriekafskeidrok vir jou?

My gunsteling deel is dat my ma saam met my elke stap van die proses beleef het. Die rok vertel ’n storie van liefde en kreatiwiteit, Die rok is uniek en gemaklik, bestaan uit drie dele sodat ek kan meng en pas, dus kan ek dit weer dra. Dit herinner my aan ’n baie spesiale tyd saam met haar en hoe mooi ons visie saam waar geword het.

Datum van matriekafskeid

2025-10-03