Ouderdom

18

Skool

Hoërskool Sentraal

Wie het jou matriekafskeidrok ontwerp / waar het jy dit gekoop?

Ek het ń vloerlengte rok in helder rooi gedra. Die delikate blomappliekwerk en die elegante hoë snit, voeg ’n sagte, dromerige gevoel by wat perfek pas by ’n prinsesagtige tema. Die sagte materiaal en fyn besonderhede bring ’n gevoel van tydlose vroulikheid en moderne glamour na vore. Die vloeiende romp het vir my ń prinsesagtige atmosfeer geskep wat my gemaklik en selfversekerd laat voel het.

Wat was die inspirasie agter jou matriekafskeidrok?

Ek sal nie sê dat ek ń spesifieke inspirasie gehad het nie, ek wou wel asems wegslaan, aandag trek en anders wees, maar nogsteeds nie teveel uitstaan nie. Sedert ek in graad 11 deur Pinterest gescroll het, was daar wel ń rok wat my oog getrek het en dit is waarmee my ontwerper my droom laat waar word het. Die rede hoekom ek spesifiek "rooi" gekies het, dink ek is bloot oor die feit dat mense my komplimenteer oor my oë wanneer ek rooi aan het. Ek hoop ook dat ek my ouma se aandag kon trek van hier op aarde af.

Wat beteken jou matriekafskeidrok vir jou?

My gunsteling deel was verseker die deel van my skouers tot en met my heupe - die fyn blom detail was pragtig! Ek het ook baie van die vloeiende romp gehou, dit het my soos ń prinses laat voel.

Datum van matriekafskeid

2025-10-04