Ouderdom

18 jaar

Skool

Hoërskool Dinamika

Wie het jou matriekafskeidrok ontwerp / waar het jy dit gekoop?

Alhoewel ek aanvanklik geneig het na die glitter en glam, het my hart vinnig ’n ander pad geloop – een vol helder borduurwerk. Ek het verlief geraak op die blomkorset die oomblik toe ek dit raak sien. Die ontwerper, Carike Nel, het my gehelp die prentjie voltooi met die pragtige romp en pof moue.

Wat was die inspirasie agter jou matriekafskeidrok?

Van die eerste oomblik af het ek geweet – my rok móés navy blou wees. Daardie kleur het iets tydloos en elegant aan dit, iets wat my laat voel asof ek in my eie sprokie leef. Ek is mal oor blomme, oor lente se sagte belofte van nuwe beginne, en oor die helder kleure wat hoop en vreugde uitstraal. Elke blommetjie op die rok herinner my aan my ouma, aan haar warmte, groenvingers en die liefde wat sy in my wêreld geplant het. Die groot moue vou my in ’n gevoel van drama en drome, terwyl die wye romp soos ’n golf van prag rondom my vloei. Wanneer ek dit dra, voel ek soos ’n prinses – die middelpunt, die een wat almal raaksien.

Wat beteken jou matriekafskeidrok vir jou?

Dit is onmootlik om n deel van my rok uit te sonder, ek is mal oor elke liewe deel. Die romp is elegant, vloeiend en die sakke is super ‘cool’ en modern. Die moue het n tikkie drama bygevoeg om die prentjie te voltooi. Die pragtige korset beeld my persoonlikheid perfek uit — speels en kleurvol.

Datum van matriekafskeid

2025-10-03