Tuisdorp

Centurion

Skool

Hoerskool Zwartkop

Wie het jou matriekafskeidrok ontwerp / waar het jy dit gekoop?

My rok is ontwerp en gemaak deur Joseph Anker Design. Joseph kan 'n idee omskep in 'n ontwerp op papier. Die warm kleur en die tekstuur van die kant is absoluut perfek. Joseph het soveel moeite gedoen om seker te maak elke deel van die rok is gemaklik en presies wat ek in gedagte gehad het.

Wat was die inspirasie agter jou matriekafskeidrok?

Die kleur. Die kleur van die sonsondergang, my hare en herfs. Die lyne van die rok moes skoon en elegant wees. Die fokus moes die tekstuur van die kant wees. Ek wou gemaklik wees en net so klein bietjie dramaties.

Wat beteken jou matriekafskeidrok vir jou?

Matriekafskeid, die rok, die hele reis was 'n ontdekkingstog. Van die eerste konsultasie met Joseph, die ontwerper, deur die hele soektog na die regte skoene & handsak. Dis meer as 'n rok en 'n aand. Dis 'n ontdekkingstog na my eie identiteit en waarvan ek hou. Dis die laaste tree van skoolklere na wie ek wil wees.

Hoogtepunt van die matriekafskeid

Die hele proses van hare en naels en grimering was vir my heerlik. Te danke aan Lara's Beauty Spot was my hare en grimering absoluut perfek. Die salon het moeite gedoen om dit ontspanne en spesiaal te maak. Familie was deel van ons foto sessie by die CT Hotel in Pretoria. Die fotos was verseker 'n hoogtepunt. Veral met die Uniegeboue in die agtergrond terwyl ons volgende jaar die wereld invaar. Die groep "Ons" het opgetree tydens die aand. Hulle is 'n groot gunsteling van my en ek kon elke woord saamsing. Ons het gedans en gekuier. Zwartkop het seker gemaak ons aand is vol spesiale oomblikke. Ons vriendekring het die aand by 'n vriendin se huis afgesluit en die son sien opkom na die ongelooflikste aand. Dit was alles waarvoor ek kon hoop en nog soveel meer.

Planne vir na matriek

Ek gaan volgende jaar Europa verken. Daar is 'n organisasie, Worldpackers, waarby ek gaan aansluit van Februarie tot November. Ek beplan om van Portugal te reis deur Spanje, Duitsland en Italie. Ek is senuweeagtig bang en opgewonde gelyk. Dit was nog altyd my droom. Na my gap jaar beplan ek om by TUKS te gaan studeer.

Gunsteling woord in Afrikaans

Verganklikheid

Datum van matriekafskeid

2025-10-04