Tuisdorp

Centurion

Skool

Hoërskool Centurion

Wie het jou matriekafskeidrok ontwerp / waar het jy dit gekoop?

Ek het self my matriekafskeidrok ontwerp en dit laat maak by SmartGuy & Smartbride Centurion. Aangesien hulle laasjaar ons Hoërskool se Cleopatra (Mnr en Mej Hoërskool Centurion) skoonheidskompetisie geborg het en 'n goeie indruk op my gemaak het.

Wat was die inspirasie agter jou matriekafskeidrok?

Ek is geïnspireer deur ’n elegante, tydlose styl met ’n moderne twist. Ek wou iets hê wat vroulik en sag lyk, maar steeds selfvertroue en klas uitstraal. Die kleur en snit herinner my aan iets wat jy in ’n romantiese film sou sien. Ek het die rok gekies omdat die kleur vir my spesiaal is, dit laat my oë uitstaan en pas perfek by my styl. Ek hou van hoe elegant en tydloos die snit is,dit voel gemaklik en natuurlik. Die glansdetail gee net daai ekstra bietjie sprankel sonder om oordoen te wees.

Wat beteken jou matriekafskeidrok vir jou?

Vir my is my matriekafskeidrok iets waaroor ek al dagdroom vandat ek n klein dogtertjie was. Dit was die eerste keer wat ek my eie rok kon laat maak het en dit was vir my n perfekte geleentheid om my persoonlikheid uit te beeld. My gunsteling deel van die rok is die fyn besonderhede wat dit uniek maak. Die delikate bandjies en subtiele glans gee aan die ontwerp ’n gevoel van ligtheid, net soos ek is dit dromerig en vol lewe. Die rok is ook vir my soos n medalje wat al die uitdagings en prestasies deur my skooljare verteenwoordig.

Hoogtepunt van die matriekafskeid

Die oomblik toe ek uit die luukse Mercedes klim en by die rooipatyt staan, het ek besef dat maande se beplaning uiteindelik 'n werklikheid geword het. Ek het n gevoel van ekstase gekry toe almal hande klap soos ek loop en toe weet ek dat al die moeite en tyd die moeite werd was. Dit was fantasties!! Die dans op van Pletzen en Karlien van Jaarsveld was ook so lekker. Ek sal die besonderse dag en herinneringe saam met my vriendinne vir die res van my lewe onthou.

Planne vir na matriek

Ek gaan BCom Bestuurs Rekeningkunde by die Noord-Wes-Universiteit van Potchefstroom studeer. Ek gaan in Karlien Dameskoshuis bly en ek sien uit vir wat die toekoms inhou.

Gunsteling woord in Afrikaans

Spontaniteit

Datum van matriekafskeid

2025-10-03