Tuisdorp

Brits, Noordwes

Skool

Hoërskool Brits

Wie het jou matriekafskeidrok ontwerp / waar het jy dit gekoop?

Tres Jolie Bridal & Evening Wear in Menlo Park, Pretoria

Wat was die inspirasie agter jou matriekafskeidrok?

Toe ek rokke gaan pas het,het ek geweet dat ek ñ swart rok wou hê. Mens sou verwag dat die rede daarvoor sou wees dat swart n "veilige keuse" is, mens kan tog nie verkeerd gaan met n swart rok nie...maar die regte rede is dat ek n rok wou hê wat koppe sou laat draai maar nie sou wegneem van my menswees nie. Ek is misterieus,lojaal en straal ñ gevoel van veiligheid uit vir die mense om my. Die rok moes net genoeg detail hê om die oog te vang, maar minimalisties genoeg wees om nie weg te neem my natuurlike skoonheid nie.

Wat beteken jou matriekafskeidrok vir jou?

My rok beteken vir my dat alles wat in die lewe tot n einde kom, die begin is van iets nuuts. Die droom-matriekafskeidsrok wat jy in laerskool tydens klastyd geteken het, sal uiteindelik sy oomblik hê, dalk net een keer gedra word en dan in die kas hang en stof opgaar. Dit is dan tyd om te bou op die mooi van daardie droom en nuwe droom te hê en uit sien na ñ nuwe mylpaal wat die beste in jou kan uitbring. Jy kan dan weer droom oor jou droom-trourok. Dit gaan nie oor die rokke self, maar wat dit simboliseer vir my: Dat Here altyd dit wat tot n einde kom sal vervang met iets nuuts,iets better. Nuwe drome en iets nuuts om na toe te werk. Hy sorg. 2 Korintiërs 5:17-" Daarom, as iemand in Christus is,is hy n nuwe skepping:die ou dinge het verby gegaan,kyk,dit het alles nuut geword."

Hoogtepunt van die matriekafskeid

Die hoogtepunt van my matriekafskeid was sonder twyfel die voorbereiding, grimering, hare en fotos. Ek het in daardie oomblik tot die besef gekom dat ek gemaak is om opgemaak te word en voor n kamera te wees. Die geleentheid het vir my ñ nuwe belangstelling gegee en daarvoor sal ek alewig dankbaar wees.

Planne vir na matriek

Ek wil LLB regte swot by Akademia. Ek wil n stem wees vir mense wat nie vir hulself kan opstaan nie. Ek glo alles in lewe is swart of wit,nie grys nie,dit beteken dat dit reg of verkeerd is. Terselfdetyd wil ek lewe terwyl ek lewendig is. Mense is nie net pione wat gemaak is om te werk en vervang te word nie. Ek wil ñ inspirasie wees dat jy nogsteeds genot kan vind in dit wat die Hemelse Vader vir ons gee, terwyl jy aan die lewe probeer bly.

Gunsteling woord in Afrikaans

Onvoorwaardelik

Datum van matriekafskeid

2025-10-01