Tuisdorp

Johannesburg

Skool

Helpmekaar College

Wie het jou matriekafskeidrok ontwerp / waar het jy dit gekoop?

My matriekafskeidrok is ontwerp deur Rihette Muller van 39dresses. Ek het ‘n eenvoudige ontwerp gekies wat steeds elegant is. Die rok is ‘n helder pienk kleur wat onmiddellik aandag trek. Die romp val vol en vloeiend, met lae sagte materiaal wat beweging en volume skep. Die asimmetriese voorkant gee die rok ‘n unieke voorkoms, terwyl die gebruik van twee verskillende kleur materiale dit stylvol en tydloos laat lyk.

Wat was die inspirasie agter jou matriekafskeidrok?

Die inspirasie vir my matriekafskeidrok begin definitief by die kleur (ja pienk is my gunsteling kleur). Ek het van die begin af geweet my rok gaan pienk wees, maar het aanvanklik ‘n ander ontwerp gehad. Die dag toe ons my materiaal moes gaan koop het ek besluit om my ontwerp te verander. Ek is baie dankbaar daaroor omdat my rok ‘n uitbeelding is van wie ek is.

Wat beteken jou matriekafskeidrok vir jou?

My matriekafskeidrok beteken vir my dat ek dit deur hoërskool gemaak het. Ek is mal oor elke deel van my rok, want dit is ek in klere vorm en dit het my soos ‘n “real life” Barbie laat voel.

Hoogtepunt van die matriekafskeid

My hoogtepunt was om vir ‘n laaste keer as ‘n graad en ‘n ongelooflike groep matrieks die hele aand lank saam te kuier. Ons het ons hakke uitgetrek en self ‘n paar onderwysers het saam gedans, gesing en gelag.

Planne vir na matriek

Ek het voorlopige keuring by die Universiteit van Stellenbosch vir Bcom Rekeningkunde en beplan om dit volgende jaar te swot. Alhoewel die toekoms vol onsekerheid is beplan ek om die beste weergawe van myself te word.

Gunsteling woord in Afrikaans

Uithouvermoë

Datum van matriekafskeid

2025-10-04