Tuisdorp

Durbanville

Skool

El Shaddai Christian School

Wie het jou matriekafskeidrok ontwerp / waar het jy dit gekoop?

Die rok het my gevind in Somerset Wes. Ek het die rok by Scarlet Fashion dress boutique in Somerset Wes gekoop.

Wat was die inspirasie agter jou matriekafskeidrok?

Sag. Vroulik. Raar. Is die drie woorde wat my geinspireer het tot die rok. Ek wou 'n rok dra wat skaars was en ek wou 'n rok dra wat my soos myself laat voel het; sag en vroulik. Wanneer ek die rok aan het wil ek net draai, lag en glimlag! Die wit Shafon materiaal vol blou blommetjies, die frille en die snit pas alles net so mooi saam om my vroulike kurwes te beklemtoon. Die rok laat my voel soos n raar perêl wat blink met vreugde!

Wat beteken jou matriekafskeidrok vir jou?

My rok beteken vir my hoe dit ‘n voorreg is om ‘n vrou te wees. Die Here het ‘n vrou geskape met 'n pragtige doel in gedagte. En dit voel soos 'n eer om elke dag te kan loop met daardie wete. Boonop dit, het die rok my so uniek en spesiaal laat voel. Geen woorde kan eintlik beskryf hoe mooi en gelukkig ek gevoel het nie. Ek was geëerd en diep dankbaar dat ek my Matriekafskeid kon bywoon in sulke pragtige en raar rok wat my soos ‘n sag, rein en raar vrou laat voel het.

Hoogtepunt van die matriekafskeid

Definitief die hele dag se ervaring in afwagting tot die groot aand. Alhoewel die aand self, vet pret was, sal ek al die kosbare gespreke tussen my grimering-kunstenaar, haarstilis en nael-kunstenaar onthou. Die kosbare oomblik waar my twee sussies en mamma my gehelp het om my prinses rok, wit hakskoene, perêl-oorbelle en vanilla parfuum aan te sit! Dit is dié oomblikke waar ek in die oë van my hartsmense kon in kyk en die liefde kon voel.

Planne vir na matriek

Met 'n baie dankbare hart gaan ek Afbeidsterapie by Stellenbosch Universiteit gaan studeer. Ek was nog altyd gefassineer deur kinders se menswees en die neurologiese kant van die mediese veld! Ek kan nie wag om te begin werk aan my droom volgende jaar om my eie praktyd te hê gevestig op 'n plaas waar ek my liefde vir diere, die buitelewe, dans en drama kan uitleef.

Datum van matriekafskeid

2025-09-19