Ouderdom

18

Skool

Hoërskool Dr. E.G. Jansen

Wie het jou matriekafskeidrok ontwerp / waar het jy dit gekoop?

Ek het die rok styl gekies omdat dit modern en elegant is met 'n gewaagde en glansryke ontwerp. Die turkoois-blou kleur het ek gekies omdat dit onmiddellik aandag trek en perfek pas by die sprankelende materiaal wat lig vang en ‘n luukse effek skep, die kleur van die rok het my oë se natuurlike kleur subtiel na vore gebring. Die korsetstyl-bolyfie met deursigtige panele en fyn steentjies beklemtoon my figuur terwyl die hoë skeur in die romp ‘n stylvolle en selfversekerde element byvoeg. Die rok se struktuur is slim saamgestel met 'n couture-geïnspireerde binnelaag wat beweging en elegansie moeiteloos laat saamsmelt. My algehele ontwerp balanseer tussen sofistikasie en ‘n bietjie drama.

Wat was die inspirasie agter jou matriekafskeidrok?

My inspirasie was oorspronklik een van Mej. SA 2023 se rokke. Ek wou graag ‘n rok hê wat selfvertroue weerspieël en wat wys dat ek gemaklik is in my eie styl. Lizan van Lizan Zondagh Couture het my droomrok in ‘n realiteit verander. Die rok is sonder twyfel ‘n weerspieëling van die mens wat ek is, sag maar sterk!

Wat beteken jou matriekafskeidrok vir jou?

Sjoe! Om een gunsteling deel van my rok te kies is moeilik. Die detail op die bolyf – die manier waarop die glinsterende steentjies lig vang gee dit ‘n elegante gevoel. Die korset-bolyf – het die perfekte balans tussen styl en selfvertroue geskep. Die materiaal – die manier wat dit in die lig skitter en beweeg is een van my gunsteling dele, dit het gevoel of ek in kleur en lig gehul was.

Datum van matriekafskeid

2025-10-03