Tuisdorp

Roodepoort

Skool

Hoërskool Monument

Wie het jou matriekafskeidrok ontwerp / waar het jy dit gekoop?

Ek het my rok gekoop by Catherine Walk in Clearwater Mall

Wat was die inspirasie agter jou matriekafskeidrok?

Ek was oopkop oor die styl en kleur van die rok en wou net graag 'n mooi rok hê wat by my pas en wat gemaklik sit en dra, en my persoonlikheid weergee.

Wat beteken jou matriekafskeidrok vir jou?

My matriekafskeidrok is vir my die mooiste rok wat ek nog ooit gesien het. My eerste woorde teenoor my familie toe ek die rok vir die eerste keer aangepas het in die winkel, was dat hierdie beslis my matriekafskeidrok is, asook my trourok en die rok waarin ek eendag begrawe wil word! Almal wat my ken is dit eens dat hierdie rok my persoonlikheid volkome weerspieël. Dit is net 'ek'.

Hoogtepunt van die matriekafskeid

Die hele dag en aand was vir my baie spesiaal en dit is vir my moeilik om net een ding as 'n hoogtepunt te identifiseer. Dit was 'n opwindende dag vol van eerstes: hare en grimering professioneel laat doen, professionele fotosessie, 'n rooi tapyt aandurf en dan die pragtige funksie self. Ek het só mooi gevoel en het heerlik gekuier saam met my vriende. Die kos was 'n absolute wenner!

Planne vir na matriek

Ek beplan om 'n ouditeur te word en gaan Bcom Rekenkunde studeer volgende jaar. Ek moet nog besluit tussen Maties, Tukkies, Kovsies of Wits.

Gunsteling woord in Afrikaans

Flambojant

Datum van matriekafskeid

2025-10-02