Tuisdorp

Welgemoed, Bellville

Skool

Hoër Meisieskool Bloemhof

Wie het jou matriekafskeidrok ontwerp / waar het jy dit gekoop?

Valencia Harrison, 'n modeontwerper van Durbanville.

Wat was die inspirasie agter jou matriekafskeidrok?

Ek het oorspronklik 'n ander idee in gedagte gehad, maar het bietjie gesukkel om die regte materiaal daarvoor te vind. Ek moes toe vinnig aan 'n ander idee dink, en Valencia het my gehelp om hierdie spesifieke rok te ontwerp. Ek het emarald groen as my rokkleur gekies, maar die rok ontwerk was bietjie eenvoudig, en ek wou iets gehad het wat uitstaan. Dit het my die idee gegee om die voering van 'n helder, bont materiaal te maak. Dit was definitief 'n waagstuk om 'n veelkleurige materiaal te kies, maar dit was beslis die moeite werd!

Wat beteken jou matriekafskeidrok vir jou?

Ek is nie bang om van die gebaande pad af te wyk nie, maar volg my eie innerlike kompas.Die bont, kontrasterende voering is 'n perfekte uitbeelding daarvan. Dit was buitengewoon, enhet baie aandag getrek. Dis beslis nie iets wat iemand vinnig sal vergeet nie!

Hoogtepunt van die matriekafskeid

Daar was 'n hele paar hoogtepunte op die dag, maar 'n paar sal my definitief bybly. Die pamperlang en regmaak voor die tyd, die pre funksie saam met my vriende en vriendinne, die instap oor die rooi (of eerder groen gras) tapyt, en om die saal se dekor te beleef. Die tema, Bridgerton, was ongelooflik goed uitgebeeld.

Planne vir na matriek

Ek gaan by die Universiteit van Stellenbosch meganiese ingenieurswese gaan studeer, en daarna spesialiseer in biomediese ingenieurswese.

Gunsteling woord in Afrikaans

Holderstebolder

Datum van matriekafskeid

2025-10-01