Tuisdorp

Randburg

Skool

Hoërskool Linden

Wie het jou matriekafskeidrok ontwerp / waar het jy dit gekoop?

Anysha van 'Klere and Co' het my matriekafskeidrok ontwerp vanaf inspirasiefoto's wat ek vir haar gewys het. Ons het oor verskeie aspekte van die rok gepraat en saam besluit op die finale ontwerp van die rok.

Wat was die inspirasie agter jou matriekafskeidrok?

As ek 2 woorde moet gee wat ek glo die inspirasie vir my rok die beste opsom is dit 'royal' en 'vintage'. Ek dink soms dat ek in die verkeerde era gebore is aangesien ek versot is op outydse modes soos in die Victoriaanse era waar vrouens pragtige balrokke gedra het en koninklikes nog lande regeer het.

Wat beteken jou matriekafskeidrok vir jou?

My matriekafskeidrok laat my glimlag van oor tot oor elke keer wanneer ek die rok sien. Ek voel soos 'n ware koninklike in die rok. My matriekafskeidrok is 'n manier vir my om vir die wêreld te wys wie ek werklik is, sonder om 'n woord te sê.

Hoogtepunt van die matriekafskeid

Die hoogtepunt van die matriekafskeid vir my was verseker die kans om 'n formele funksie by te woon waar almal formeel aantrek en die aand saam geniet. Ek sal enige dag in 'n ander era gaan leef waar mense gereeld formele danse bygewoon het. Ek het vroeër formele dans gedoen en danse soos die wals geleer en geniet dit om te dans. Ek het ook die geselskap van my vriendinne geniet.

Planne vir na matriek

Ek beplan om volgende jaar Meganiese ingenieurswese by die Noord-Wes Universiteit te gaan studeer. Ek wil van daar af spesialiseer in lugvaartingenieurswese.

Gunsteling woord in Afrikaans

Gomverdorie

Datum van matriekafskeid

2025-10-02