Tuisdorp

Vanderbijlpark

Skool

Hoërskool Driehoek

Wie het jou matriekafskeidrok ontwerp / waar het jy dit gekoop?

Ek het n idee gehad van hoe ek my matriekafskeid rok wil ontwerp maar Estelle Dannhauser, die eienaar van Ruby Marmalaide, het my idee laat realiseer.

Wat was die inspirasie agter jou matriekafskeidrok?

My matriekafskeidrok is geïnspireer deur my gunsteling-Disneyfliek, Tangled. Ek was nog altyd mal oor die prinses Rapunzel – haar vrye gees, sagtheid en die manier waarop sy haar eie lig vind, het my nog van kleins af aangeraak. Ek het altyd geweet dat wanneer die dag aanbreek om my droomrok te ontwerp, daar geen twyfel sou wees oor my inspirasie nie. Die sagte kleure, blomme en sprokiesagtige styl van my rok weerspieël presies daardie wêreld van lig, drome en vryheid wat Tangled vir my simboliseer. Hierdie rok is dus nie net ’n kledingstuk nie, maar ’n herinnering aan my eie weergawe van ’n moderne sprokie.

Wat beteken jou matriekafskeidrok vir jou?

Hierdie rok beteken vir my soveel meer as net ’n matriekafskeidrok, dit is ’n droom wat ek van kleins af gekoester het. Die Disney-fliek Tangled, het my nog altyd geinspireer en veral Rapunzel se vrygees en haar liefde vir kleur, lig en avontuur. Van jongs af het ek geweet ek wou eendag ’n rok dra wat daardie gevoel vasvang – sag, dromerig en vol lewe. Die blomdetail en sagte pastelkleure laat my dink aan haar wêreld van lanterns, vryheid en drome wat waar word. Hierdie rok is vir my ’n simbool van groei, hoop en die geloof dat jy jou eie sprokie kan leef, net soos Rapunzel haar eie pad gevind het.

Hoogtepunt van die matriekafskeid

Die hoogtepunt van my matriekafskeid was die oomblik toe ek uit die sportskar geklim het en besef het dat dit rêrig my spesiale aand is, die een waarna ek nog jare lank uitsien. Om my droomrok te dra en te voel soos ’n regte prinses, was ongelooflik, maar wat dit nog meer besonders gemaak het, was om die glimlagte van my vriende en familie te sien. Die gevoel van trots, vreugde en afsluiting was vir my die mooiste deel van die aand.

Planne vir na matriek

Ek beplan om by AROS onderwys te studeer en my honeurs te doen. Ek wou nog altyd ń hoërskool taal onderwyser geword het en toe ek keuring kry, wou my hart bars van blydskap.

Gunsteling woord in Afrikaans

Mengelmoeskardoes

Datum van matriekafskeid

2025-10-02