Tuisdorp

Brackenfell

Skool

Bellville High School

Wie het jou matriekafskeidrok ontwerp / waar het jy dit gekoop?

Ek het dit self ontwerp, want ek kon eenvoudig nie op net een styl besluit nie. Ek het al my gunsteling idees saamgevoeg in een rok, en dit het selfs mooier uitgekom as wat ek ooit kon droom! Tiffany van Dresstique het my ontwerp perfek laat realiseer.

Wat was die inspirasie agter jou matriekafskeidrok?

Die kleur van my rok dra ñ spesiale betekenis. My Ma het van kleins af gesê dat ek eendag ñ donkerblou rok vir my matriekafskeid moet dra. Toe die groot dag nader kom en ek nog steeds nie op ñ kleur kon besluit nie, het haar woorde by my opgekom - en ek besef donkerblou is die perfekte, elegante keuse. Vir die bokant van my rok wou ek iets besonders hê. Toe ek die gedetailleerde materiaal sien, het ek geweet dit is presies wat my ontwerp kort. Ek wou ook nog altyd ñ korset probeer en my matriekafskeid was die ideale kans om die element subtiel in te werk. My rok is uiteindelik ñ kombinasie van ure se inspirasie op Pinterest en my eie idees - saamgesmelt in ñ ontwerp wat werklik uniek aan my is.

Wat beteken jou matriekafskeidrok vir jou?

My matriekafskeidrok is vir my ongelooflik spesiaal, want ek weet hoeveel tyd, moeite en liefde daarin ingesit is om my drome ñ realiteit te maak. Toe ek dit vir die eerste keer aantrek, kon ek amper nie glo dat al die jare se praat oor my matriekafskeid uiteindelik hier is nie. Ek het trots en selfversekerd gevoel - soos die beste weergawe van myself. My Ma het elke stap saam met my gestap, my na al die passessies geneem en my ondersteun met soveel geduld en liefde. Dit maak dat my rok my altyd aan haar ook herinner. Ek is ook ongelooflik dankbaar vir Tiffany van Dresstique, wat my idees so mooi verstaan en lewendig gemaak het. Die rok simboliseer vir my ñ afsluiting - ons matriekafskeid was die Saterdag voor die eksamens begin het en dit het gevoel soos die perfekte manier om my skoolloopbaan af te sluit. Die sagte chiffon-voue van my rok en die elegante detail sal my ook altyd herinner aan daardie spesiale aand waar ek regtig soos ñ prinses gevoel het.

Hoogtepunt van die matriekafskeid

Ek het eintlik twee hoogtepunte gehad. Die eerste was die klaarmaak voor die tyd - die lag en gesels met my grimering- en haarkunstenares, Mia Crouse. Sy het my so kalm en op my gemak laat voel oor die groot dag wat voorlê en ek het dit vreeslik geniet om net terug te sit en elke oomblik in te neem. My tweede hoogtepunt was na die matriekafskeid, toe ek, my ouers en sussie McDonald's toe gegaan het om die aand af te sluit. Daardie eenvoudige, gesellige oomblik saam met hulle sal ek vir altyd onthou en koester.

Planne vir na matriek

Ek wil graag Dieetkunde aan die Universiteit van Stellenbosch studeer. Voeding is vir my ongelooflik interessant - baie mense dink dit gaan net oor gewigsverlies, maar dit is eintlik ñ baie wyer en dieper veld. Ek wil mense help wat met eetversteurings, chroniese siektes of diabetes sukkel, en op ñ emosionele vlak met my pasiënte konnekteer. My droom is om eendag my eie gesondheidspraktyk te begin, waar ek mense kan help om nie net fisies gesond te wees nie, maar ook gelukkig en in balans met liggame te voel.

Gunsteling woord in Afrikaans

Entoesiasme

Datum van matriekafskeid

2025-10-18