Ouderdom

18 jaar

Skool

Jim Fouche Hoërskool

Wie het jou matriekafskeidrok ontwerp / waar het jy dit gekoop?

Ek het van kleins af geweet ek wil 'n blou rok hê. Ek is gelukkig genoeg om vir Tannie Cecillia Scheepers te ken wat kan rokke maak sonder 'n patroon van enige foto af wat vir haar gegee word. Ons het eers die materiaal gekry en daar volgens het sy die rok ontwerp en gemaak soos ek dit graag wil hê. Tannie Cecillia het 'n groot werk gehad om kraletjies los te maak waar nodig sodat sy nie haar masjien se naalde breek nie en dat dit my nie krap wanneer ek die rok dra nie. Tannie Cecillia het ook die bostuk van die rok so ontwerp dat dit nie nodig is om 'n bra aan te trek nie. Dit was so gemaklik, ek was nie bekommerd dat enige iets sal skuif nie, of nodig gehad het om die bra in plek te hou nie. Sy het vir my 'n satyn strik vir my hare gemaak met die krale en materiaal waarvan my rok gemaak was asook 'n satyn das vir my metgesel.

Wat was die inspirasie agter jou matriekafskeidrok?

Ek doen volkspele en ons dra baie wye rokke, ek het vir Tannie Cecilia gesê my rok moet so wyd wees as ek draai. Ek wou soos 'n prinses voel en lyk, ek dink Tannie Cecilia het dit perfek reg gekry.

Wat beteken jou matriekafskeidrok vir jou?

Ek was baie gemaklik in my rok. Die rok het soos 'n handskoen aan my gesit. Dit het nie los gegaan of afgeval nie. Ek kon met gemak geloop en gedans het sonder om op die rok te trap, selfs sonder skoene. My rok het 'n versteekte sak gehad waarin ek my selfoon of lipgloss kon berê. Die baadjie het gehelp toe dit koeler geword het om warm te bly, maar nie my rok te bederf nie.

Datum van matriekafskeid

2025-10-10