Die rok is ‘n dromerige ligbruin kleur, sag en verfynd, met ‘n korset wat sprankel van kristalle, elk met die hand geplaas om ‘n pragtige glans met elke beweging te gee. Die rok het lae sagte valle wat in golwende vlakke vloei, met ‘n elegante sleep wat agter my uitsprei en ‘n dramatiese indruk skep. Die kristalle voeg daardie ekstra bietjie magie by waarvoor ek gesoek het, en maak die rok iets besonders. Dit is meer as net ‘n kledingstuk – dit is ‘n skepping wat emosies, drome en stories vasvang. Dit weerspieël die ek wat ek was en die ek wat ek word, en vang hierdie oomblik van transformasie vas. Die kristalle, die lae, en die vloeiende ontwerp weerspieël vir my verskillende dele van my verlede en hede – elke kristal en val vang ‘n storie vas, ‘n herinnering wat ek saam met my dra. Dit is ‘n rok wat nie net my uiterlike styl vasvang nie, maar ook wie ek is, die reis wat ek afgelê het, en die toekoms wat voorlê.
Skool se matriekafskeid bygewoon?
CVO Gromar Landbou Akademie
Wat was jou inspirasie vir jou matriekafskeidrok?
Alle goeie inspirasie begin mos gewoonlik by Pinterest! Maar vir my was hierdie rok meer as net inspirasie van ‘n prent – dit moes iets spesiaals en persoonlik wees. My ontwerper, tannie Antoinette Maartens, wat al van kleintyd af vir my rokke maak, het presies verstaan hoe om my idee tot lewe te bring en my storie oor te dra.
Ek het besluit op ‘n warm goue/bruin kleur wat ‘n tydlose, klassieke gevoel gee, en die kristalle was vir my ‘n moet. Die vloeiende lae en die effense sleep weerspieël my verlede en hede, die herinneringe wat ek met my saamdra en die selfvertroue waarmee ek vorentoe beweeg. Die drama en elegansie van die rok simboliseer ook die verandering in my – dit weerspieël wie ek was en wie ek nou besig is om te word.
En as daar een persoon is wat hierdie droom so perfek kon uitvoer, is dit tannie Antoinette. Sy het met haar handewerk en liefde vir haar kuns ‘n rok gemaak wat meer is as net materiaal – dit is ‘n kunswerk, ‘n stukkie siel.
Wat was jou gunsteling deel van jou matriekafskeidrok?
